Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2368 nû bin ichs an ein ende komen
        daz er sô grôzen kumber treit
        den er noch nieman hât geseit.
        sît er disses landes phlac,
        so enlie er nie deheinen tac
2373 er engienge ie wider morgen
        eine und verborgen
        in die kemenâten,
        vreude wol berâten:
        swie vrœlich er dar in gie,
2378 sô schiet er doch ze jungist ie
        her ûz vil harte riuwevar.
        doch genam ichs nie sô rehte war
        als ich hiute hân getân.
        dô ich in sach dar in gân,
2383 dô stal ich mich mit im dar in
        und barc mich dâ unz daz ich in
        und alle sîn gebærde ersach.
        ich sach in grôzen ungemach
        von unmanlîcher klage begân
2388 unde vor ime hân
[ zurück ]