Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2418 jan geschach mînem lîbe
        nie deheiner slahte guot
        und ouch niemer getuot
        niuwan von sîn eines tugent.
        nû waz mac im ze sîner jugent
2423 sô vil ze weinenne sîn geschehen
        als ich dich dâ hœre jehen?
        nû tuo mir etelîchen rât,
        sît daz er michz verswigen hât,
        wie ich sîn leit ervar
2428 daz ich mich doch an im bewar.
        ich vürhte, ob ich mirz sagen bite,
        ich verliese in dâ mite.
        ich weiz wol, swelh sache
        im ze leide ode ze ungemache
2433 geschæhe diu ze sagenne ist,
        dien verswige er mich deheine vrist.
        nu enger ich doch dehein geschiht
        wider sînen willen ze wizzen niht,
        wan daz mir diz durch einen list
2438 alsô nôt ze wizzenne ist:
[ zurück ]