einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2682 die mir der lîp begangen hât,daz mich diu erde geruochet tragen. sun herre, muget ir mir sagen (wan ir habet der buoche vil gelesen), möhte aber dehein buoze wesen2687 über sämelich missetât, ob des nû ist dehein rât (des ich wol muoz getrûwen) ich enmüeze die helle bûwen, dâ mite ich doch verschulde daz2692 daz si mir doch etewaz senfter sî danne maniges leben der ouch der helle ist gegeben?' 'Muoter', sprach Grêgôrius, 'gesprechet niemer mêre alsus:2697 ez ist wider dem gebote. niht verzwîvelt an gote: ir sult vil harte wol genesen. jâ hân ich einen trôst gelesen daz got die wâren riuwe hât2702 ze buoze über alle missetât. |