Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1028 die herzeriuwe und daz klagen
         und ir muoter grimmez leit
         und ouch des vater arbeit?
         ez wære wol under in beiden
         ein jæmerlîchez scheiden,
1033 dô si ir liebez kint von in
         gevrumten sô gesundez hin
         niemer mê ze sehenne in den tôt,
         wan daz in senfterte ir nôt
         diu reine gotes güete,
1038 von der doch daz gemüete
         dem jungen kinde bekam
         daz ez den tôt gerne nam.
         ez was âne ir rât komen;
         dâ von wart von in genomen
1043 älliu klage und swære,
         wan ez anders wunder wære
         daz in ir herze niht zebrach.
         ze liebe wart ir ungemach,
         daz si dar nâch deheine nôt
1048 liten umbe des kindes tôt.
[ zurück ]