Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

2237 nû von ir mac geschehen.
        sî wil iuch niuwan eine sehen.
        ir müezet ir gevangen wesen:
        anders lât si iuch wol genesen.'
        er sprach 'sî vil sælec wîp,
2242 ich wil gerne daz mîn lîp
        immer ir gevangen sî,
        und daz herze dâ bî.'
         Sus stuont er ûf und gie dan
        mit vreuden als ein sælec man,
2247 und wart doch undâre enpfangen:
        dô er kam gegangen,
        weder si ensprach noch enneic.
        dô sî alsô stille sweic,
        daz begund im starke swâren,
2252 unde enweste wie gebâren,
        wan er saz verre hin dan
        und sach sî bliuclichen an.
         Do si beidiu swigen, dô sprach diu maget
        'her Îwein, wie sît ir sô verzaget?
2257 lebet ir ode habt ir munt?

[ zurück ]