Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3851 des wurmes tôt ergienge,
        daz in daz niht vervienge,
        der lewe bestüende in zehant.
        wan alsô ist ez gewant,
        als ez ouch undern liuten stât:
3856 sô man aller beste gedienet hât
        dem ungewissen manne,
        sô hüete sich danne
        daz ern iht beswîche.
        dem was diz wol gelîche.
3861 doch wâgterz als ein vrum man,
        er erbeizte und lief den wurm an
        und sluoc in harte schiere tôt
        und half dem lewen ûz der nôt.
         Dannoch dô er den wurm ersluoc,
3866 dô heter zwîvel genuoc
        daz in der lewe wolde bestân:
        daz wart im anders kunt getân.
        sich bôt der lewe ûf sînen vuoz
        und zeict im unsprechende gruoz
3871 mit gebærde und mit stimme.
[ zurück ]