einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4356 sô lie sîz sîn und muosez lân.Nû entwelter dâ niht mê (sîn lewe volget im als ê) und reit unz er ein hûs ersach. dâ was guot rîters gemach.4361 diu burc was harte veste und allen wîs diu beste vür stürme und vür mangen: den berc hete bevangen ein burcmûre hôch und dic.4366 doch sach vil leiden anblic der dâ wirt was genant: im was diu vorburc verbrant unz an die burcmûre gar. nû kam mîn her Îwein dar,4371 als in der wec lêrte. dô er ze dem hûse kêrte, dô wart diu brücke nider lân, und sach engegen im gân sehs knappen wætlîche:4376 sî zæmen wol dem rîche |