Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

8001 vür mînen lîp was iuwer leben
        ûf die wâge gegeben:
        dô gâbet ir mir disen lîp.
        ez verdienten niemer tûsent wîp
        die gnâde dier mir habt getân.'
8006 er sprach 'die rede sult ir lân.
        ir habt vaste überzalt:
        mir ist vergolten tûsentvalt
        swaz ich ie durch iuch getete.
        nû saget mir, liebe vrou Lûnete,
8011 weiz sî doch daz ich ez bin?'
        sî sprach 'daz wære der ungewin.
        sine weiz von iu, geloubet mirz,
        zer werlte mêre wan daz irz
        der rîter mittem lewen sît.
8016 si bevindetz noch ze guoter zît.'
         Dô riten sî ze hûse dan,
        und in bekam dâ wîp noch man.
        daz envuocte ouch anders niht
        niuwan ein wunderlich geschiht,
8021 daz sî dâ nieman rîten sach
[ zurück ]