Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1452 zewâre, jâ enbin ich
        iedoch mîn selbes vîent niht,
        ob mir liep von ir geschiht,
        daz ich mir gerne enphremde guot:
        daz wirdet doch vil wol behuot.
1457 Ouwê, waz hân ich getân!
        jâ wæne ich mich vergâhet hân
        daz ich sô nâhen sprechen sol.
        si engunde mirs danne wol,
        wære ich ie selhes heiles wert
1462 des doch mîn gemüete gert,
        mîn rede wære ir von rehte zorn;
        wan und hæte got verlorn
        einen engel von sînen rîchen,
        jâ möhte sî sich im gelîchen,
1467 und mit ir nâch grôzen êren
        sîn here wider mêren,
        wan si zæme wol an engels stat.
        ouch hân ich in den muot gesat
        daz ich vil lîhte werde wert
1472 swes ein man von rehte gert.
[ zurück ]