Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

942 daz ez âne mîne schulde ist
      und daz mir unrehte geschiht,
      ob joch sîn nieman giht.
      Uns dienet niht gelîcher muot.
      daz mir den meisten schaden tuot
947 daz ist daz mir nieman wil
      gelouben lützel noch vil.
      waz frumet mir vil schœner sin,
      sît ich der werlte allez bin
      der wolf an dem spelle?
952 doch hân ich mich vil snelle
      eines muotes bewegen
      des ich mir wil vür sorgen phlegen,
      daz ich mir aber selbe geloube.
      ein man der sich von roube
957 aller tägelich begât
      unde sinnes niht enhât,
      der hât bezzer reht dan ich.
      lîp, der schulde zîhe ich dich,
      wan ich ân dich niht geenden kan
962 des ich willen ie gewan.
[ zurück ]