einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3092 und allez swîgende saz.er überhôrte und übersach swaz man dâ tete unde sprach, als er ein tôre wære. ouch nâhten im bœsiu mære.3097 im wîssagete sîn muot, als er mir selbem ofte tuot: ich siufte, sô ich vrô bin, mînen künftegen ungewin: sus nâhte im sîn leit.3102 nû seht wâ dort her reit sîns wîbes bote, vrou Lûnete, von der râte und von der bete daz von êrste was komen daz sî in hâte genomen.3107 sî gâhte über jenez velt unde erbeizt vür diu gezelt. als schiere sî den künec sach, dô kam sî vür in unde sprach 'Künec Artûs, mich hât gesant3112 mîn vrouwe her in iuwer lant: |