einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1309 daz er mir bliuwet mîniu kint,sô wol gevriunt sô si hie sint? dînen vriunden zimet daz niht wol daz ich diz laster dulden sol von einem sô gewanten man1314 der nie mâge hie gewan. daz dich tar gebliuwen der der sich hât verrunnen her, daz ist mir iemer ein leit. wan daz man imz durch got vertreit,1319 man dulte ez unlange vrist. jâ enweiz nieman wer er ist. [und ist daz ich nû leben sol, ich sagez al der werlde wol daz er ein vuntkint ist1324 (sô helfe mir der heilige Krist), swie hôhe er nu sî gesezzen. des hât er gar vergezzen daz er sô jæmerlich wart vunden in ein vaz gebunden1329 in einer barke ûf dem sê. |