einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1321 [und ist daz ich nû leben sol,ich sagez al der werlde wol daz er ein vuntkint ist (sô helfe mir der heilige Krist), swie hôhe er nu sî gesezzen.1326 des hât er gar vergezzen daz er sô jæmerlich wart vunden in ein vaz gebunden in einer barke ûf dem sê. sol er mînem kinde tuon wê,1331 man duldetz unlange vrist. ja enweiz hie nieman wer er ist.] wê mir, wes ist im gedâht? der tiuvel hât in her brâht mir ze einer harnschar.1336 ja erkenne ich sîn geverte gar, er vundene dürftige. wan wolde er daz man verswige sîn schentlîche sache? sô lebete er mit gemache.1341 die vische sîn verwâzen, |