einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1129 geturret ir mich snîden, ich getar ez wol erlîden. Den grimmeclîchen tôt und die angestlîche nôt und die mislîche arbeit 1132 die ir mir vor hât geseit, die hân ich wol âne iuch vernomen. ich enwære niht anders her komen, wan daz ich mich weste des herzen alsô veste 1137 daz ich ez wol mac dulden. mir ist, bî iuwern hulden, diu brœde vorhte gar benomen und ein sô vester muot komen daz ich als angestlîchen stân 1142 als ich ze tanze süle gân; wan dehein nôt sô grôz ist diu sich in eines tages vrist an mînem lîbe genden mac, mich endunke daz der eine tac 1147 genuoc tiure sî gegeben |