einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5225 den strît den ich geleisten mac.'und sîn lewe, der sîn dâ pflac, der gesach vil schiere sînen haz und gestuont hin nâher baz. Nû was diu reine guote maget5230 von vorhten alsô gar verzaget daz sî vil kûme ûf gesach: do gevienc sî kraft unde sprach 'herre, daz vergelt iu got: der weiz wol daz ich disen spot5235 und dise schande dulde ân alle mîne schulde; und bite des unsern herren daz sî iu müezen werren niuwan als ich schuldec sî,'5240 und zeicte sî im alle drî. Dô sprach der truhsæze 'er ist gnuoc tumpræze der her kumt sterben durch dich. nû ist ez gnuoc billich,5245 swer selbe des tôdes ger, |