einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6189 an dirre vrouwen.swâ si der ritter habe genomen oder swie si her sî komen, si ist benamen ein edel wîp: daz erziuget ir wünneclîcher lîp. 6194 nû sprechet, waz ist iuwer rât? ir wizzet wol wiez mir stât, daz ich âne wîp bin. nû rætet vaste mir mîn sin daz ich si ze wîbe neme. 6199 mich dunket daz si wol gezeme ze vrouwen über mîn lant. ich hân kurze an ir erkant, si ist mir genuoc wol geborn. ouch hât si mir erkorn 6204 mînes herzen rât ze wîbe. nû bite ich daz ez belîbe in iuwerm râte âne haz, vil gerne wil ich immer daz umbe iuch verschulden unz ich lebe, 6209 daz ez iu âne widerstrebe |