Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1858 welt ir den brunnen und daz lant
        niht verliesen âne strît,
        sô warnet iuch der wer enzît,
        und lât iuwern swæren muot.
        ichn râtez iu niuwan durch guot.'
1863 Swie sî ir die wârheit
        ze rehte hete underseit
        und sî sich des wol verstuont,
        doch tete sî sam diu wîp tuont:
        sî widerredent durch ir muot
1868 daz sî doch ofte dunket guot.
        daz sî sô dicke brechent
        diu dinc diu sî versprechent,
        dâ schiltet sî vil maneger mite:
        sô dunketz mich ein guot site.
1873 er missetuot, der daz seit,
        ez mache ir unstætekheit:
        ich weiz baz wâ vonz geschiht
        daz man sî alsô dicke siht
        in wankelm gemüete:
1878 ez kumt von ir güete.
[ zurück ]