Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6451 ein vrouwe diu dâ vor im saz.
        sine mohten beidiu niht baz
        nâch sô alten jâren
        getân sîn noch gebâren.
        und vor in beiden saz ein maget,
6456 diu vil wol, ist mir gesaget,
        wälhisch lesen kunde:
        diu kurzte in die stunde.
        ouch mohte sî ein lachen
        vil lîhte an in gemachen:
6461 ez dûhte sî guot swaz sî las,
        wand sî ir beider tohter was.
        ez ist reht daz man sî krœne,
        diu zuht unde schœne,
        hôhe geburt unde jugent,
6466 rîcheit unde kiusche tugent,
        güete und wîse rede hât.
        diz was an ir, und gar der rât
        des der wunsch an wîbe gert.
        ir lesen was eht dâ vil wert.
6471 Dô sî den gast ersâhen,
[ zurück ]