Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7457 iu aller der êren wol gan
        der ich niht sêre engelten kan.
         Mîn herze ist leides überladen,
        daz ich ûf iuweren schaden
        immer sol gedenken.
7462 swa ez mich niht süle krenken,
        da geschehe iu allez des ir gert.
        des sît ir weizgot wol wert.
        ich wolde daz ez wære alsô
        daz dise juncvrouwen zwô
7467 heten swaz sî dûhte guot,
        und daz wir dienesthaften muot
        under ein ander müesen tragen.
        ich wil iu mînen namen sagen.
        ich bin genant Gâwein.'
7472 'Gâwein?' 'jâ.' 'wie wol daz schein
        disen unsenften tac!
        manegen vîentlîchen slac
        hân ich von iu enpfangen.
        iuwer haz ist ergangen
7477 über iuwern gewissen dienestman.
[ zurück ]