Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

506 ûf die selben hôchzît.
      ich behabete den strît
      daz si schœner wære
      und næme den sparwære
      dan des ritters vriundîn.
511 nû sehet ob ez müge sîn
      und tuotz ûf daz gedinge,
      ob mir alsô gelinge
      daz mir der sige belîbe,
      sô nim ich si ze wîbe.
516 dar umbe durfet irz niht lân,
      si enhât an mir niht missetân,
      ez mac wol mit êren sîn.
      ich künde iu den vater mîn:
      der ist der künec Lac genant.
521 beide liute unde lant,
      lîp und allez daz ich hân
      mache ich ir undertân,
      daz si des muoz walten."
      dô begunden dem alten
526 von jâmer vil tougen
[ zurück ]