Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8461 als ich iu ê gesaget hân,
        rehte zuo der mâze
        als im ûf der strâze
        sîn geselle sagete,
        und ob ern iht verdagete,
8466 ze vollen sagete er im daz
        und beschiet in des baz.
        er sagete, der boumgarte
        der wære gevestent harte,
        und wie er wære umbegeben.
8471 dar in dorfte niemen streben
        dem ze ihte mære
        lîp und êre wære.
        er sprach: "dâ wonet inne
        mit sîner vriundinne
8476 ein ritter sô manhaft
        daz eht er mit sîner kraft
        alle die erslagen hât
        die des niht wolden haben rât
        von tumbes herzen stiure,
8481 sine suochten âventiure.
[ zurück ]