einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage996 der ie guoten sin gewan,sô meinete er ez ie alsô und verstüende sich der triuwen dô daz er ez im riete âne haz. daz selbe zæme ouch dir baz1001 danne dröun und schelten. wes lâstû mich engelten? Ich muoz dich râtes frâgen; wilt dû dar umbe bâgen, der site enist dir niht guot,1006 wan so endarftû niemer wol gemuot werden ze einer stunt. diu rede ist dir wol kunt daz ez dem lîbe alsô stât daz er helfe unde rât1011 von dem herzen nemen sol. dâ von sô zæme uns beiden wol daz wir lebeten âne strît mit ein ander alle zît. wan dîn unbescheiden zorn1016 der ist ouch zewâre verlorn: |