Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6199 genuoge worhten an der rame:
        der werc was aber âne schame.
        und die des niene kunden,
        die lâsen, dise wunden,
        disiu blou, disiu dahs,
6204 disiu hachelte vlahs,
        dise spunnen, dise nâten;
        und wâren doch unberâten:
        in galt ir arbeit niht mê
        wan daz in zallen zîten wê
6209 von hunger und von durste was
        und daz in kûme genas
        der lîp der in doch nâch gesweich.
        sî wâren mager unde bleich,
        sî liten grôzen unrât
6214 an dem lîbe und an der wât.
        ez wâren bî ir viure
        under wîlen tiure
        daz vleisch zuo den vischen.
        sî muose verwischen
6219 wirtschaft und êre:
[ zurück ]