Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1186 dô gebezzerte sich sîn sin
        alsô daz im dîvînitas
        gar durchliuhtet was:
        diu kunst ist von der goteheit.
        swaz im vür wart geleit
1191 daz lîp und sêle vrumende ist,
        des ergreif er ie den houbetlist.
        dar nâch las er von lêgibus
        und daz kint wart alsus
        in dem selben liste
1196 ein edel lêgiste:
        diu kunst sprichet von der ê.
        er hete noch gelernet mê,
        wan daz er wart geirret dar an,
        als ich iu wol gesagen kan.
1201 Ez leit der vischære
        von armuot grôze swære.
        sîne huobe lâgen ûf dem sê:
        des wart sînem lîbe dicke wê,
        wande er sich alsus nerte,
1206 sîniu kint erwerte
[ zurück ]