Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3160 nû hânt ir sô mit ir gevarn
        daz sich ein wîp wider die man
        niemer ze wol behüeten kan.
        deiswâr uns was mit iu ze gâch.
        dâ stüende bezzer lôn nâch
3165 dan der uns von iu geschiht:
        ouch gehiezet irs uns niht.
         Mîner vrouwen wirt wol rât,
        wan daz ez lasterlîchen stât,
        deiswâr unde ist unbillîch:
3170 si ist iu ze edel und ze rîch
        daz ir sî kebsen soldet,
        ob ir erkennen woldet
        waz rîters triuwe wære.
        nû ist iu triuwe unmære.
3175 doch sulent ir in allen
        deste wirs gevallen
        die triuwe und êre minnent
        und sich des versinnent
        daz nimmer ein wol vrumer man
3180 âne triuwe werden kan.
[ zurück ]