einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3465 ob ir daz got beschertedaz sî in ernerte. Dô sî in ligen sach als ê, nûne twelte sî niht mê, sî hafte zeinem aste3470 diu pfärit beidiu vaste, und sleich alsô lîse dar daz er ir niene wart gewar, unz sî in allenthalben bestreich. dâ zuo sî vil stille sweich.3475 mit ter vil edelen salben bestreich si in allenthalben über houbet und über vüeze. ir wille was sô süeze daz sî daz alsô lange treip3480 unz in der bühsen niht beleip. des wær doch alles unnôt, dâ zuo und man irz verbôt; wan daz sî im den willen truoc, esn dûhtes dannoch niht genuoc,3485 und wær ir sehsstunt mê gewesen: |