Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

4193 dâ hœret langer wîle zuo.
        ich lobet in leider alze vruo:
        ich wânde er kunde lônen baz.
        mîn rât vuoget ime daz
        daz sichs mîn vrouwe underwant
4198 und gap im lîp unde lant.
        nû hât er uns beswichen
        im selben schädelichen.
        ez ist sîn unsælekheit:
        wan des swüer ich wol einen eit,
4203 mîn vrouwe ist ein sô edel wîp
        daz er niemer sînen lîp
        bestætet ûf der erde
        ze hôherem werde:
        sî ist sô schœne und sô rîch,
4208 wær sî sînem lîbe gelîch,
        sô vreuter sich daz sîz getete.'
        dô sprach er 'heizet ir Lûnete?'
        sî sprach 'herre, jâ ich.'
        er sprach 'sô erkennet mich:
4213 ich binz Îwein der arme.

[ zurück ]