Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5982 gâbet ze wîbe.
        der wân ist mînem lîbe
        verkêret ze ungewinne.
        in triegent sîne sinne,
        swem daz ze wendenne ist gedâht,
5987 ez enwerde vollebrâht
        swaz von gote geschaffen ist:
        dâ vür hœret dehein list,
        man enmüeze im sînen willen lân.
        der muoz ouch an mir ergân:
5992 ich muoz eht unsælic sîn.
        daz ist mir wol worden schîn
        an grimmeclîcher arbeit,
        der ich vil unz her erleit.
        er hât mir armen wîbe
5997 verteilet an dem lîbe:
        des bin ich wol innen brâht.
        wes im zer sêle sî gedâht,
        des enmac ich wizzen niht.
        swaz dem lîbe nû geschiht,
6002 ze ringer klage mir daz stât,
[ zurück ]