Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6668 der überspræche sich dar an.
        nû sprechet, swâ ein tôter man,
        mit bluotigen wunden,
        gerêwet, in gewunden
        houbet unde hende,
6673 vüeze an einem gebende,
        mit einem swerte alsô bar
        ûf ein ungewarnte schar
        in aller gæhe liefe
        und wâfen über si riefe,
6678 er vlühe swem eht wære
        der lîp ze ihte mære:
        und wære ich gewesen bî,
        ich hete gevlohen, swie küene ich sî.
        sîn torste dâ niemen bîten
6683 âne vrouwen Ênîten.
        den tôten si vil gerne sach:
        ze liebe wart ir ungemach
        allez verkêret
        und ir vreude gemêret.
6688 bî der hant er si vienc:
[ zurück ]