einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8493 sine hânt eht scheidæres niht.ichn weiz wie ez nû ergê: wol ein halp jâr oder mê ist des daz im niemen kam, sît daz er den lîp benam 8498 rittern die ich genennen kan. er sluoc benamen hie drî man sô man si beste erkande in deheinem lande. der eine Venegus hiez, 8503 der eht niht des enliez daz ze manheit gezôch, Opinâus der nie gevlôch, Tibaut der dritte man, der vordes manegen prîs gewan: 8508 der was von Winden geborn. sît die den lîp hânt verlorn, sône durfet irz niht versuochen. und welt irs geruochen, sô gibe ich iu den besten rât, 8513 daz ir des vehtens abe stât. |