Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1911 so gewinn ich gerne einen,
        und anders deheinen,
        den ich sô vrumen erkande
        daz er mînem lande
        guoten vride bære
1916 und doch mîn man niht wære.'
         Sî sprach 'daz sî iu widerseit.
        wer wær der sich sô grôz arbeit
        iemer genæme durch iuch an,
        erne wære iuwer man?
1921 ir sprechet eht als ein wîp.
        gebet ir im guot und lîp,
        ir muget ez dannoch heizen guot
        oberz willeclîchen tuot.
        nû habent ir schœne unde jugent,
1926 geburt rîcheit unde tugent
        und muget einen alsô biderben man
        wol gewinnen, obs iu got gan.
        nune weinet niht mêre
        und gedenket an iuwer êre:
1931 zewâre, vrouwe, des ist nôt.
[ zurück ]