einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec10107 in dem ellendehâte vrouwe Ênîte erliten übele zîte: daz hât si wol bewendet, wan sich daz hie endet, 10112 und muoz sich verkêren ze gemache und ze êren und ze wünne manecvalt. ze wunsche wurden si beide alt, wan si ir got hâte gesant 10117 ze vreuden in ir eigen lant, ir vater und ir muoter. der künec selbe nû huoter ir willen swâ er mohte, und doch als im tohte, 10122 niht sam er ê phlac, dô er sich durch si verlac, wan er nâch êren lebete und sô daz im got gebete mit veterlîchem lône 10127 nâch der werlde krône, |