einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9549 hie wærez wesen inne guot."si sprach: "hie wil ich inne mich nieten iuwer minne. diz ist diu gâbe der ich bite: hie beherte ich wol mite 9554 deich iuwer müge belîben âne angest vor andern wîben: daz ir hier inne mit mir sît, wir zwei, unz an die zît daz iu hier inne ein man 9559 gesige alters eine an, alsô daz ez vor mir geschehe, daz ich die wârheit selbe sehe." nû war umbe tete si daz? daz wil ich iu bescheiden baz. 9564 des enhâte si deheinen wân daz ez immer möhte ergân oder man in iender vunde der mich überwunde. sô rehte tiure dûhte ich sî. 9569 ouch bin ichs noch gewesen vrî |