einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius796 dâ zwischen von in beiden,wan mir iewederz nie geschach: ichn gewan nie liep noch ungemach, ich enlebe übele noch wol. dâ von enmac ich als ich sol801 der vrouwen leit entdecken noch mit worten errecken, wan ez wære von ir schaden tûsent herze überladen. Der leide wâren driu806 diu diu vrouwe einiu gar an ir herzen truoc, der iegelîches wære genuoc vil maniges wîbes herzen. si truoc den einen smerzen811 von dem meine daz si begie mit ir bruoder den si lie. der siechtuom der ander was, daz si des kindes genas. daz dritte was diu vorhte816 die ir der jâmer worhte |