einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein121 iuch dunket des man süln iu lân.ouch solz mîn vrouwe dâ vür hân: sî tæte iu anders gewalt: iuwer zuht ist sô manecvalt, und ir dunket iuch sô volkomen.126 deiswâr ir hât iuch an genomen irne wizzet hiute waz. unser deheiner was sô laz, heter die künegîn gesehen, im wær diu selbe zuht geschehen131 diu dâ iu einem geschach. sît unser keiner sîne sach, od swie wir des vergâzen, daz wir stille sâzen, dô möht ouch ir gesezzen sîn.'136 des antwurt im diu künegîn. Sî sprach 'Keiî, daz ist dîn site, und enschadest niemen mê dâ mite danne dû dir selbem tuost, daz dû den iemer hazzen muost141 deme dehein êre geschiht. |