Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

844 iuwer herze twinget sî darzuo.
      dazn dunket deheiner schalkheit ze vil:
      nû muoz sî sprechen swaz ez wil.
      ichn mac sî niht gescheiden,
      wan übel geschehe in beiden.
849 ich wil iu daz zewâre sagen,
      dem ir den vater hetet erslagen,
      dern vlizze sich des niht mêre
      wie er iu alle iuwer êre
      benæme, danne sî dâ tuot.
854 iu habt ez eine, werdez iu guot.'
       Her Îwein lachet unde sprach
      'vrouwe, mirn ist niht ungemach
      swaz mir her Keiî sprichet:
      ich weiz wol daz er richet
859 an mir mîn ungewizzenheit.
      im ist mîn unvuoge leit:
      dien wold er mich niht verdagen.
      ouch kan erz mir wol undersagen
      mit selher vuoge als er ie pflac,
864 die niemen wol gezürnen mac.
[ zurück ]