einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich42 sîn geburt unwandelbære und wol den vürsten gelîch, doch was er unnâch alsô rîch der geburt und des guotes so der êren und des muotes. 47 Sîn name was gnuoc erkennelich: er hiez der herre Heinrich und was von Ouwe geborn. sîn herze hâte versworn valsch und alle dörperheit, 52 und behielt ouch vaste den eit stæte unz an sîn ende. âne alle missewende stuont sîn êre und sîn leben. im was der rehte wunsch gegeben 57 von werltlîchen êren; die kunde er wol gemêren mit aller hande reiner tugent. er was ein bluome der jugent, der werltvreude ein spiegelglas, 62 stæter triuwe ein adamas, |