Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

10097 alsô endete der künec niht.
          sît in got hâte gêret,
          dô wartz ouch im gekêret
          ze lobe in allen stunden.
          des wart er schœne ervunden
10102 als im sîn herze gerte,
          wan in sîn êre werte
          unze an sînen tôt,
          als ez der himelvoget gebôt,
          âne alle missewende.
10107 in dem ellende
          hâte vrouwe Ênîte
          erliten übele zîte:
          daz hât si wol bewendet,
          wan sich daz hie endet,
10112 und muoz sich verkêren
          ze gemache und ze êren
          und ze wünne manecvalt.
          ze wunsche wurden si beide alt,
          wan si ir got hâte gesant
10117 ze vreuden in ir eigen lant,
[ zurück ]