einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1176 >uns enmac niht gewerren, iuwer maget ensî vollen guot. nû habet vrœlîchen muot, ich mache iuch schiere gesunt.< hin vuorte er si anderstunt 1181 in sîn heimlich gemach, dâ ez ir herre niene sach, und beslôz im vor die tür und warf einen rigel vür; er enwolde in niht sehen lân 1186 wie ir ende solde ergân. in einer kemenâten, die er vil wol berâten mit guoter arzenîe vant, er hiez die maget dâ zehant 1191 abe ziehen diu kleit. des was si vrô und gemeit, si zarte diu kleider in der nât. schiere stuont si âne wât und wart nacket unde blôz; 1196 si enschamte sich niht eins hâres grôz. |