einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2350 'daz tete des herzen gebot.''nû aber dem herzen wer?' 'dem rieten aber diu ougen her.' 'wer riet ez den ougen dô?' 'ein rât, des muget ir wesen vrô,2355 iuwer schœne und anders niht.' 'sît unser ietwederz giht ez sî des anderen vrô,' sprach diu küneginne dô, 'wer ist der uns des wende2360 wirn geben der rede ein ende? dazn vüeget sich niht under uns drin: nû gân wir zuo den liuten hin. ich hân gester besant die besten über mîn lant:2365 vor den suln wirz niht stillen. ich hân in mînes willen ein teil dar umbe kunt getân. die suln wir an der rede hân: deiswâr ez vüeget sich deste baz.'2370 nû tâten sî ouch daz. |