Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1950 die jungen wâren, sô man seit,
        gelîch geriten und gekleit:
        die alten wâren rehte alsam,
        zer mâze als ouch in gezam.
        nû prüeve ich iu der jungen wât:
1955 samît unde sigelât
        zesamene geparrieret,
        enmitten gezieret
        mit vêhen gevillen,
        vil rehte nâch ir willen
1960 ze enge noch ze wît gesniten.
        [diu ros diu die jungen riten]
        garwe swarz sam ein raben,
        diu enkunden niht wan draben.
        dise riten vor in daz lant.
1965 ir iegelîch vuorte ûf der hant
        vier mûze einen sparwære.
        diu schar was lobebære:
        ir brâhte iegelîcher dar
        driu hundert gesellen in sîner schar.
1970 an ir wât was der vlîz.
[ zurück ]