Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1464 und gewerte mich einer bete,
        daz er mich lieze varn mit dir.
        waz sol ich, swenne ich dîn enbir?
        waz sol mir guot unde lîp?
        waz sol ich unsælic wîp?
1469 ouwê daz ich ie wart geborn!
        ouwê wie hân ich dich verlorn?
        ouwê, trûtgeselle.
        got versperre dir die helle
        und gebe dir durch sîne kraft
1474 der engel genôzschaft:
        wan dû wær ie der beste.'
        ir jâmer was sô veste
        daz sî sich roufte und zebrach.
        dô daz her Îwein ersach,
1479 dô lief er gegen der tür,
        als er vil gerne hin vür
        zuo ir wolde gâhen
        und ir die hende vâhen.
         Dô daz diu juncvrouwe ersach,
1484 sî zôch in wider unde sprach
[ zurück ]