einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1459 daz ich sô nâhen sprechen sol.si engunde mirs danne wol, wære ich ie selhes heiles wert des doch mîn gemüete gert, mîn rede wære ir von rehte zorn;1464 wan und hæte got verlorn einen engel von sînen rîchen, jâ möhte sî sich im gelîchen, und mit ir nâch grôzen êren sîn here wider mêren,1469 wan si zæme wol an engels stat. ouch hân ich in den muot gesat daz ich vil lîhte werde wert swes ein man von rehte gert. ein gedanc sol mir wesen guot:1474 ich hân den willen und den muot, ob mir got des gunnen wil, daz ichz noch bringe ûf daz zil daz mir die liute beginnen jehen mir sül von rehte wol geschehen.1479 und des ich noch niht wert enbin, |