Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5402 und lie ez ouch ân grôzen zorn
        daz er in sîne helfe spranc:
        ern sagtes im danc noch undanc.
        sî vâhtens bêdenthalben an,
        hie der lewe, dort der man.
5407 ouch ensparten sî lîp noch den muot:
        soldens dâ von sîn behuot,
        sî wâren werhaft genuoc:
        unde ir ietweder sluoc
        dem lewen eine wunden.
5412 dô er der hete enpfunden,
        dô wart er ræzer vil dan ê.
        ouch tete dem hern Îwein wê
        daz er den lewen wunden sach.
        daz bescheinder wol: wander brach
5417 sîne senfte gebærde,
        von des lewen beswærde
        gewan er zornes alsô vil
        daz er sî brâhte ûf daz zil
        daz sî gar verlurn ir kraft
5422 und gehabeten vor im zagehaft.
[ zurück ]