Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5102 dô sprach mîn her Îwein
        'welt ir mich des geniezen lân
        ob ich iu iht gedienet hân,
        sô tuot ein dinc des ich bite:
        dâ ist mir wol gelônet mite.
5107 mînen hern Gâwein minn ich:
        ich weiz wol, alsô tuot er mich:
        ist unser minne âne kraft,
        sone wart nie guot geselleschaft.
        den ernest sol ich im niuwen
5112 swâ ich mac entriuwen.
        herre, zuo dem rîtent ir
        unde grüezent in von mir,
        und vüerent mit iu iuweriu kint
        diu dâ hie erledeget sint,
5117 und daz ir swester mit in var,
        und vüeret ouch daz getwerc dar,
        des herre dâ hie lît erslagen,
        und sult im des genâde sagen
        swes ich iu hie gedienet hân:
5122 wan daz hân ich durch in getân.
[ zurück ]