Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7223 dâ von wart sîn sîte
        schône unde vol heil.
        si heten des phlasters ein teil
        dâ von ich ê gesaget hân,
        daz dâ Feimurgân
7228 hâte gemachet mit ir hant.
        des hâte in ze gebe gesant
        vrouwe Ginovêr ein teil.
        daz was ouch dises mannes heil.
        ûf dem hûs ze Penefrec
7233 dâ entwelte der künec Êrec,
        unz er vol geheilet was
        und sîner wunden genas,
        rehte vierzehen naht.
        als im dô sînes lîbes maht
7238 volleclîche wider wart,
        dô hügete er wider ûf die vart.
        swie guot gemach dâ wære,
        im was dâ vil swære.
        der tugenthafte man
7243 zewâre er gedâhte von dan
[ zurück ]