einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2528 nû wart Grêgôrius dar abevil harte riuwic und unvrô. er sprach: 'geselle, wie redestû sô? jâ liez ich si an dirre stunt vil harte vrô und wol gesunt.'2533 'herre, des wil ouch ich jehen. jâ ist ez an dirre stunt geschehen.' Ze walde wart niht mê gebiten: vil balde si ze hûse riten. da enwart (des wil ich iu verphlegen)2538 niht vil erbeizet under wegen unz er vol hin kam dâ sîn vreude ein ende nam, wande er muose schouwen an sîner lieben vrouwen2543 ein swære ougenweide. ir hiufeln was vor leide diu rôsenvarwe entwichen, diu schœne garwe erblichen: sus vant er si tôtvar.2548 des entweich ouch im sîn vreude gar. |