Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5440 mit manegem vuozvalle
        gnâdeten si im sêre
        und buten im alle die êre
        der er von in geruochte
        und vürbaz danne er suochte.
5445 Vrou Lûnete was vil vrô:
        wand ez gezôch ir alsô.
        si gewan ir vrouwen hulde
        und hete âne schulde
        erliten kumber unde nôt:
5450 des ergazte sîs unz an ir tôt.
         Noch erkand in dâ wîp noch man,
        und schiet ouch alsô lîhte dan;
        niuwan eine vrou Lûnete,
        diu daz durch sîn gebot tete
5455 daz sî in niemen ennande.
        daz in diu niht erkande
        diu doch sîn herze bî ir truoc,
        daz was wunders genuoc.
        doch bat sî in vil verre,
5460 sî sprach 'lieber herre,
[ zurück ]