einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5440 mit manegem vuozvallegnâdeten si im sêre und buten im alle die êre der er von in geruochte und vürbaz danne er suochte.5445 Vrou Lûnete was vil vrô: wand ez gezôch ir alsô. si gewan ir vrouwen hulde und hete âne schulde erliten kumber unde nôt:5450 des ergazte sîs unz an ir tôt. Noch erkand in dâ wîp noch man, und schiet ouch alsô lîhte dan; niuwan eine vrou Lûnete, diu daz durch sîn gebot tete5455 daz sî in niemen ennande. daz in diu niht erkande diu doch sîn herze bî ir truoc, daz was wunders genuoc. doch bat sî in vil verre,5460 sî sprach 'lieber herre, |