einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3843 nû was dem guoten wîbevon des bâbestes lîbe ein unkundez mære daz er ir sun wære; ouch hete si an sich geleit3848 die riuwe und die arbeit, sît si sich schieden beide, daz ir der lîp von leide entwichen was begarwe an krefte und an varwe,3853 daz er ir niht erkande unz si sich im nande und daz lant Equitâniam. dô er ir bîhte vernam, dô enbejach si im anders niht3858 niuwan der selben geschiht diu im ouch ê was kunt. dô erkande er zestunt daz si sîn muoter wære. der guote und der gewære3863 der vreute sich ze gote, |