Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1189 von mîner unhövescheit.
        alsô het ich ûf geleit,
        ichn wære ir gruozes niht sô wol wert,
        als man dâ ze hove gert:
        ich weiz wol, des engalt ich.
1194 herre, do gruoztet ir mich,
        und ouch dâ nieman mêre.
        do erbutet ir mir die êre
        der ich iu hie lônen sol.
        herre, ich erkenn iuch wol:
1199 iuwer vater was, deist mir erkant,
        der künec Urjên genant.
        ir sult vor schaden sicher sîn:
        her Îwein, nemet diz vingerlîn.
        ez ist umben stein alsô gewant:
1204 swer in hât in blôzer hant,
        den mac niemen, al die vrist
        unz er in blôzer hant ist,
        gesehen noch gevinden.
        sam daz holz under der rinden,
1209 alsam sît ir verborgen:
[ zurück ]